प्रमोद मिश्रा
रायपुर,01 नवंबर 2021
छत्तीसगढ़ राज्य के आज स्थापना दिवस हरे । राज्य ल बने आज 21 साल पूरा होगे । 21 साल पूरा होय के मौका म राज्यपाल अनुसुईया उइके अउ मुख्यमंत्री भूपेश बघेल ह प्रदेश के जनता ल बधाई दिसे । राज्य के निर्माण के दिन के मौका म आज रायपुर के साइंस कॉलेज मैदान म कार्यक्रम के आयोजन किये गे हे । कार्यक्रम म राज्य अलंकरण पुरस्कार के 31 विधा म 43 लोगन व संस्थान मन ल पुरस्कार दिए जाहि । कल संस्कृति मंत्री अमरजीत भगत ह नाम मन के घोषणा कर रहिसे । आप मन ल बता दन कि राज्यपाल अनुसुईया उइके और मुख्यमंत्री भूपेश बघेल ह राज्य अलंकरण पुरस्कार ला दिही ।
किसान मन के खाता म डाले जाहि पईसा
राज्य स्थापना दिवस के मौका म किसान मन के खाता म दीवाली के पहली आज पईसा डाले जाहि । सरकार ह बताईस कि लगभग 21 लाख किसाम मन के खाता म 1500 करोड़ रुपया डाले जाहि । किसान मन के लिए आज बड़े दिन आय, काबर कि आजे छत्तीसगढ़ राज्य के निर्माण के दिन हरे अउ आजे ओमन के खाता म धान के पैसा भी आहि ।
साइंस कॉलेज मैदान म होहिं कार्यक्रम
राज्य निर्माण के अवसर म आज राजधानी के साइंस कॉलेज मैदान बड़का कार्यक्रम होही । एकर बर पूरा तैयारी भी कर लिए गेहे । आप ल बता दन कि कार्यक्रम म बाहर से आये कलाकार मन भी अपन कला ल दिखाही । साइंस कॉलेज मैदान म बहुत सारा विभाग के इंस्टाल भी लगे हे । इंस्टाल मन के माध्यम से सरकार ह अपन योजना ला बताये के प्रयास करे हे ।
तीन दिन के राष्ट्रीय आदिवासी नृत्य महोत्सव के होइसे वाहवाही
28 अक्टूबर ले लेके 30 अक्टूबर तक राष्ट्रीय आदिवासी नृत्य महोत्सव के आयोजन साइंस कॉलेज मैदान म होइसे । आदिवासी नृत्य महोत्सव म 7 देश,27 राज्य अउ 6 के केंद्र शासित प्रदेश के कलाकार मन आके अपना नृत्य ल देखइसे । कलाकार मन के नृत्य ल लोगन मन भारी पसंद करिसे ।
